Едноставно Прекрасна, Катерина Торта

Едноставно Прекрасна, Катерина Торта

Ако сакате да направите пауза од покомплексните торти кои бараат многу состојки, труд и одвоено време, ви ја препорачувам оваа старинска превкусна, а лесна за подготовка Катерина торта.

Овој рецепт го имам во мојата тетратка со рецепти која ја чувам уште од младоста и торта која си ја подготвувам за мојот роденден.

Ја немав правено одамна затоа што почнав да експериментирам и со други торти и десерти, но секогаш и се навраќам кога сакам сигурен рецепт и вкусно уживање.

Зошто да ја Пробам Катерина Тортата?

Ќе ви се допадне многу ако сте љубител на ореви и суво грозје. Аромата од лимон на секој залак ќе донесе освежување и посебен шмек, тоа е загарантирано.

Ви ја препорачувам за секоја прилика, не можете да погрешите. Изглед и вкус, навистина оваа Катерина торта има се што е потребно!

Катерина Торта Рецепт

Кора бр 1:

10 белки

10 лажици шеќер

Изматете ги со миксер.

Додајте:

8 лажици брашно

Рендана кора од 1 лимон

Сок од 1 лимон

Измешајте со лажица.

Префрлете во тавче број 32/28. Печете околу 40 минути, на 150 степени Ц.

Кога ќе се олади, исечете на половина да добиете 2 вакви кори.

Кора бр 2:

8 жолтки

1 јајце

9 лажици шеќер

Изматете пенасто со миксер.

Додајте:

250 гр ореви, ½ сецкани, ½ мелени

150 гр сецкано суво грозје

1 лажица брашно

Кора од 1 лимон

Изматете со лажица. Префрлете во истото тавче од претходно, околу 20 до 25 минути на 150 степени Ц.

За филот:

750 мл млеко

300 гр шеќер

Ставете да зоврие.

Посебно изматете со миксер:

10 лажици брашно

2 жолтки (од претходните 10 белки што ви останаа)

250 мл млеко

Додајте во врелото млеко и продолжете да готвите да добиете густ крем. Нека се олади.

Посебно изматете:

250 гр путер

4 кесички ванилин шеќер

Соединете со оладениот фил.

Составете ја вака:

Кора 1

Фил

Кора 2

Фил

Кора 1

Фил

Кора 2

Фил

На крај, јас ја покрив целата со шлаг крем. Можете и шлаг пена. На здравје!

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 8000+ членови кои споделуваат извонредни рецепти!

Leave a Reply

Your email address will not be published.