Ледени Коцки, Омилениот Летен Десерт

Синоним за летно освежување: омилените ледени коцки! Овој десерт го знаеме сите многу добро затоа што многу од нас го подготвуваат често, особено во летниот период.

Сите го обожаваат, од најмладите до највозрасните и секогаш ќе измами убава насмевка.

Највкусен за мене е кога ќе отстои во фрижидер после подготовката и ќе ве освежи во вистинскиот момент. Овој десерт се прави со едноставни состојки, а добивате извонредни вкус и арома.

Подгответе си ги уште еднаш и ќе се уверите повторно зошто овој десерт важи за еден од омилените!

Ледени Коцки, Омилениот Летен Десерт Рецепт

Потребно ви е:

6 јајца, одделени белките и жолтките

6 лажици шеќер

6 лажици брашно

6 жолтки

2 лажици какао

За шербетот:

300 гр шеќер

350 гр вода

Подготовка:

Изматете ги белките со шеќерот да добиете хомогена смеса. Додајте ги брашното, жолтките, и какаото. Измешајте убаво и префрлете ја смесата во тавче 35×25.

Печете на 200 степени Ц, 15 минути.

За тоа време, спремете го шербетот. Водата врие 4 минути со шеќерот и потоа се трга на страна. Нека се олади малку, а долниот слој што се печеше нека се олади убаво.

Го попарувате слојот со шербетот директно во тавчето и тука продолжувате со филувањето.

За филот ви е потребно:

800 мл млеко

200 гр шеќер

5 лажици густин

5 лажици брашно

200 мл млеко

1 коцка маргарин

3 кесички ванилин шеќер

Подготовка:

Ставете ги млекото и шеќерот да вријат. Кога ќе почне да врие смесата, додајте ги претходно изматените густин, брашно, и млеко. Мешајте да добиете кремаст фил.

Тргнете на страна и нека се олади убаво. Покријте го со стреч фолија.

Кога е целосно оладен кремот, додајте го претходно убаво изматениот маргарин заедно со ванилиниот шеќер. Соединете ги состојките да добиете хомогена смеса.

Нанесете го филот врз долниот слој. Потоа ја нанесувате и чоколадната глазура.

За чоколадната глазура:

100 гр чоколадо

80 мл масло

Подготовка:

Стопете ги состојките на пареа или во микро и полијте ја низ целиот колач.

Ставете во фрижидер да отстои неколку часа и сечете по желба.

Јас го сервирав колачот со слатко од јагоди!

Уживајте…

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои повеќе од 10,500 членови!

Leave a Reply

Your email address will not be published. Required fields are marked *