Мека и Извонредна Штрудла со Јаболки и Ванила со Кори од Хељда

Мека и Извонредна Штрудла со Јаболки и Ванила со Кори од Хељда

Оваа миризлива и превкусна штрудла со јаболки и ванила изобилува со извонредни вкусови и навистина ми се допадна многу, па решив да го споделам рецептот и со вас.

Може да се направи и со обични кори, но и со кори од хељда, кои морам да спомнам ми се едни од највкусните, најмеките и најомилените.

Дали солен или благ фил, секогаш се супер избор.

Што е Хељда и Зошто Вреди да ја Пробам?

Хељдата можеби е нетипична за овие простори, но благодарност на денешната распространетост на информации и производи, се повеќе и повеќе се користи и се дознава за нејзините придобивки.

Хељдата е таканаречена псевдо житарка-или вид на семе што потекнува од северните азиски и американски земји. Често е дел од ладни салати, супи и чорби, а често е и замена за ориз.

Тука е и извонредното брашно од хељда кое го обожавам-совршено е за разни пити, лебови, плескавици, итн.

Овие кори од хељда се готови и можете да ги најдете во некои супермаркети.

Хељдата има неколку важни придобивки за нашето здравје, како поздраво срце, помалку воспаленија, подобро дигестивно здравје, и многу други.

Зошто да ја Направам Оваа Штрудла со Јаболки и Ванила?

  • Премека е и корите не се воопшто тегави
  • Комбинацијата на ванила, цимет и јаболки е незаменлива
  • Може да биде супер идеја за појадок или десерт
  • Супер комбинација е со шолја кафе или чај
  • Лесно и и брзо се подготвува

Штрудла со Јаболки и Ванила со Кори од Хељда

Потребно ви е:

1/2 кг готови кори од хељда

3 јајца

200 гр шеќер

200 гр масло

150 гр гриз

1 кесичка прашок за печиво

800 гр рендани јаболки

Цимет

Ванила

Подготовка:

Измешајте ги јајцата, маслото, гризот, и прашокот за печиво. Наредете три кори и потоа премачкајте ги со филот. Повторувате додека имате состојки.

На последните кори, ставате и од изренданите јаболки претходно измешани со шеќерот, циметот и ванилата. Кратко ги загревате за да се стопи шеќерот.

Потоа, ги виткате корите како за ролат и сечете по желба. Префрлувате во тавче и печете 30 минути на 200 степени Ц.

За декорација, јас користев шеќер во прав. Вие можете и нешто по ваш вкус.

На здравје!

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 6500+ членови кои споделуваат извонредни рецепти!

Leave a Reply

Your email address will not be published.