Најсочната и Највкусната Карамела Торта

Најсочната и Највкусната Карамела Торта

Ако сте од оние кои секогаш земаат карамела бомбони на каса во продавница, оваа карамела торта е совршениот десерт за вас!

Оваа торта ќе ве остави без зборови кога ќе ја пробате. Сочна и богата со неодолив фил, ќе се прашувате зошто не сте ја подготвиле порано!

Зошто да ја Пробам оваа Карамела Торта?

Совршен избор е за да си одбележите посебен момент и сите што ќе ја вкусат, нема да ја заборават, а посебно љубителите на карамела.

Ќе им се допадне на сите генерации, од најмладите до највозрасните. Во комбинација со интересна и креативна декорација, ќе биде преубаво изненадување за вашите најблиски. Кога станува збор за подготовката, не е многу комплицирана, иако ви требаат неколку часови.

Но,верувајте ми, навистина вреди кога ќе го видите крајниот резултат.

Ако немате многу време, а сте во потрага по вкусен и лесен десерт кој не треба да го печете, овој Плазма паша локум е извонреден избор!

Карамела Торта Рецепт

За корите (3 вакви ќе ви требаат):

6 белки

7 лажици шеќер

1 лажица оцет

Подготовка:

Изматете да биде пенаста и цврста смесата.

Додајте:

100 гр ореви, половина сецкани, половина мелени

50 гр сецкана чоколада

1 лажица брашно

1 лажица презла

Префрлете во тавче 20×30 и печете 20 до 25 минути на 180 степени Ц.

За филот:

300 гр шеќер

Карамелизирајте го на ниска температура.

Додајте му:

300 мл млеко

300 гр карамела бомбони

Тргнете на страна и мешајте постојано да се растопат карамелите и да се соедини убаво.

Посебно изматете:

18 жолтки

8 лажици брашно

500 мл млеко

Подготовка:

Потоа, делот со карамелите го ставате да зоврие и го додавате изматеното.

Гответе додека не добиете густ крем, околу 5 минути.

Тргнете на страна и покријте со стреч фолија да се олади. Во ладниот фил, додајте претходно изматен 200 гр путер со 4 кесички ванилин шеќер.

Поделете го филот на два дела.

Во едниот додајте:

250 гр чоколадо за готвење

Во другиот додајте:

250 гр мелени ореви

Измешајте и составете ја тортата вака:

Kора

Фил со чоколадо

Фил со ореви

Кора

Фил со Чоколадо

Фил со Ореви

Кора

Фил со чоколадо

Фил со ореви

Декорирајте по желба! На здравје.

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои 8000+ членови кои споделуваат извонредни рецепти!

Leave a Reply

Your email address will not be published. Required fields are marked *