Оваа Нестле торта ќе ги освои сите љубители на кремасти торти и Nestle чоколадите. Превкусно уживање за сите сетила со изобилство од филови.
Корите се меки и миризливи, а оревите создаваат совршена текстура. Мирис на чоколадо, карамела, и ванила е идеална комбинација за десерт.
Денеска е и Национален ден на десертот во Америка, па зошто и ние да не си го одбележиме овој ден со овој преубав десерт?
Оваа Нестле торта е совршениот избор за одбележување на посебен момент во вашиот живот, но и може да биде супер десерт за било која прилика!
Нестле Торта Рецепт
Потребно за корите (3 вакви):
6 белки
6 лажици шеќер
6 лажици мелени ореви
1 лажица гриз или презла
1 лажица брашно
1 лажица оцет
Подготовка:
Изматете ги белките пенасто. Додајте ги шеќерот и оцетот. Матете уште еднаш убаво. Додајте ги презлата, оревите и брашното. Изматете уште еднаш.
Префрлете ја смесата во тавче со димензии 35×25. Печете на 200 степени Ц, околу 20 минути.
Повторете уште два пати за останатите две кори.
Фил бр 1
800 гр млеко
18 жолтки
10 лажици шеќер
2 пудинга од карамела
2 лажици брашно
200 гр путер
200 гр црно чоколадо Nestle
4 кесички ванилин шеќер
Подготовка:
Измешајте ги млекото, жолтките, шеќерот, пудингот и брашното и ставете да се готви на тивок оган. Постојано мешајте да добиете густ крем, околу 20 минути.
Во топлиот крем додајте ги чоколадото и путерот и ванилиниот шеќер. Покријте со стреч фолија и нека се лади.
Кога ќе се олади, изматете со миксер.
Фил број 2
250 гр мелени ореви
400 мл млеко
1 пудинг од ванила или карамела
3 лажици шеќер
Подготовка:
Од 200 мл млеко, пудингот и шеќерот, измешајте и гответе на тивко да добиете густ крем. Покријте со стреч фолија и нека се олади целосно.
Останатото млеко загрејте го до вриење и попарете ги оревите со него. Нека се оладат оревите. Кога ќе се оладат и двете смеси, соединете ги.
Изматете ги со миксер.
Фил број 3
400 мл хопла
Изматете по упатство.
За да ја составите тортата:
Кора
1/2 од фил бр 1
1/2 од фил бр 3
Кора
Целиот фил бр 2
Кора
1/2 од фил број 1
1/2 од фил број 3
Декорација по желба. На здравје!
Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои повеќе од 10,700 членови кои споделуваат извонредни рецепти!
