Тоблероне Торта

Тоблероне Торта

За роденденот на мојата помала ќерка вчера, решив да ја изненадам со една прекрасна тоблероне торта. Рецептот решив да го споделам и овде затоа што мислам дека немам пробано покремаста торта!

Лешниците се одлични во целата комбинација, а трите филови ќе ве натераат да барате парче плус. Со оваа торта нема да погрешите и ќе го направите секој посебен момент уште понезаборавен.

Со оваа торта можете да си експериментирате и слободно да користите некое друго вашо омилено бело чоколадо наместо тоблероне или пак да вклучите ореви наместо лешници доколку ова е вашиот избор.

Како и да одлучите, оваа торта ќе ве воодушеви, тоа сум сигурна.

И да, среќен роденден, Кристина!

Тоблероне Торта

Потребно за корите (4 вакви):

5 белки

6 лажици шеќер

50 гр мелени и печени лешници

1 лажица бисквити

1 лажица брашно

1 лажица оцет

Малку прашок за печиво

Подготовка:

Се матат пенасто белките и се додава шеќерот и оцетот. Продолжувате да матите со миксер, да добиете густ крем. Ги додавате и останатите состојки и промешувате со лажица.

Се префрла во тавче бр. 26 и се пече на 180, околу 20 до 25 минути.

Фил број 1

800 мл млеко

20 жолтки

8 лажици брашно

10 лажици шеќер

4 кесички ванилин шеќер

Останато:

200 гр путер/маргарин

200 гр тоблероне бела чоколада

Подготовка:

Сите состојки се ставаат на многу тивок оган да се готват. Треба да добиете густ крем, потребно е околу 20 минути.

Во топлиот фил, додадете го путерот. Измешајте убаво за да се растопи се убаво и да се соедини кремот. Од овој крем, одделете 1/3, а во 2/3 додајте го тоблеронето.

Покријте ги и двата фила со стреч фолија и нека се ладат на собна температура.

Кога ќе се оладат, префрлете ги во фрижидер да отстојат 2 часа. Кога ќе го извадите, изматете ги со миксер.

Фил број 2

Потребно ви е:

250 гр мелени печени лешници

200 мл млеко топло

1/3 од Фил број 1

Подготовка:

Попарете ги лешниците со млекото и нека се олади убаво. Потоа соединувате со 1/3 од филот.

Фил број 3

Потребно ви е:

300 мл слатка павлака

Подготовка:

Изматете според упатство.

Ако е многу густа, може да се додаде малку млеко. Ако е прегуста, филовите ќе се одвојуваат.

За да ја составите:

Kора

½ од Фил број 1

½ од Фил број 3

Кора

Фил број 2

Кора

½ од Фил број 1

½ од Фил број 3

Кора

Декорација по желба. За да ја покријам тортата, јас користев две шлаг креми изматени по упатство.

На здравје!

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои 10,000 членови кои споделуваат извонредни рецепти!

Leave a Reply

Your email address will not be published.