Се Топат во Уста: Триаголници Полнети со Шампињони и Кашкавал

Се Топат во Уста: Триаголници Полнети со Шампињони и Кашкавал

Кога ги видов прв пат овие лиснати триаголници полнети со шампињони и кашкавал на YouTube, знаев дека морам веднаш да ги пробам!

Изгледаат толку меко и сочно и секој залак се топи во уста-совршен појадок и комбинација со јогурт или кисело млеко.

Ова печиво многу луѓе го знаат како Данско печиво.

Зошто ова Печиво е Одличен Избор за Мене?

Затоа што е премеко и мириса преубаво, а можноста да си бирате филови по ваш вкус е навистина супер затоа што можете да ги направите по вкус на сите ваши најблиски.

Овие триаголници полнети со кашкавал и шампињони може да се направат и во блага верзија- мислам дека ќе бидат превкусни!

Има толку интересни комбинации што можат да се испробаат, па затоа мислам дека никогаш не може да здосади и е добар рецепт да си го имате.

Јас овој пат ги наполнив со кашкавал, шампињони и шунка, вие можете да си додадете нешто по ваш избор или да си замените со нешто.

Триаголници од Тесто со Шампињони и Кашкавал Рецепт

Потребно ви е:

500 гр брашно

150 мл млеко

80 мл топла вода

1/2 коцка свеж квасец

1/2 кесичка прашок за печиво

1 лажичка шеќер

1 лажичка сол

50 мл масло за готвење

Фил бр 1

200 гр маргарин или путер

2 жолтки

Фил бр 2

200 гр сирење

3 лажици павлака или кајмак

Фил бр 3

200 гр шунка, рендана

200 гр кашкавал, рендан

150 гр шампињони

Подготовка:

Замесете тесто од состојките. Нека отстои 20 минути и поделете на 2 дела.

Од двата делови, расукајте правоаголна кора премачкајте со првиот фил.

Потоа, и со 2иот фил.

На крај, се премачкува со 3тиот фил.

Се виткаат како ролат и се притиснуваат малку одозгора. Се сечат како триаголници.

Нека отстојат 20 минути па премачкајте ги со жолтка и наросете сусам. Печете 20-25 минути на 200 степени Ц.

На здравје!

Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 4700 членови кои споделуваат извонредни рецепти!

Leave a Reply

Your email address will not be published.