Сакате лесен, а вкусен и здрав појадок?-Ако одговорот е ,,да”, тогаш мора да ги пробате овие прекрасни мини коцки со киноа и тиквички.
Одлични се за овој период кога почнува сезоната на тиквички. Киноата е исто така здрава состојка која можете да си ја конзумирате во текот на цела година.
Ако сте љубител на тиквички, ќе го обожавате овој појадок. Потребните состојки се само неколку и можно е веќе да ги имате повеќето.
Сервирајте ги овие убавини со чаша јогурт или кисело млеко и уживајте во магијата на утрото!
А еве и како да си ги направите…
Мини Коцки со Киноа и Тиквички Рецепт
Потребно ви е:
1 поголема тиквица
200 гр брашно
100 гр киноа, потопена со врела вода
2 јајца, изматени
Сол
Магданос
Лук во прав
Сусам
Калап за ролат
Подготовка:
Измијте ја убаво тиквицата и изрендајте ја. Посолете убаво и нека се цеди неколку часа.
Потоа, во садот со тиквицата, додајте го брашното, киноата, јајцата и зачините. Измешајте убаво и префрлете во калапот.
Наросете со сусам одзгора и други семки по избор.
Печете 20 минути на 200 степени Ц.
На здравје!
Си одите веќе?-Нема проблем! Можеме да се дружиме и да споделуваме рецепти и на социјалните мрежи! Следете ме на инстаграм за уште многу прекрасни рецепти gotvimesojadranka и придружете се на мојата ФБ група Gotvime so Jadranka која веќе брои прекрасни 7700+ членови кои споделуваат извонредни рецепти!
